Posts

Showing posts from August, 2023

134. MŨTWE WATONYIWE MĨW'A

 MŨTWE WATONYIWE MĨW'A (The head that once was crowned with thorns) 1. Mũtwe weekĩiwe mĩw'a Wĩ ũsumbĩnĩ yu,  Wĩ na ngovĩa ya ndaĩa,  Ĩla ĩmwaĩlĩte.  2. Kwake nĩ ĩũlũ mũno Mũnene wa onthe; Mwĩaĩi wa eaĩi,  Nĩ kyeni kya syũmbe .  3. Wasya wa ala me nthĩ; Amony’a wendo mũnene,  Nĩwaĩle kũtaĩwa.  4. Mũtĩ ũla wa nthoni nyingĩ,  Kwoo waĩ mũseo; Mena ũtanu ĩndĩ yonthe,  Kwa kĩkw’ũ kya Mwĩaĩi.  5. kũkũ nthĩ me mathĩnanĩ Kwaku me ũsumbĩnĩ; Ũtanunĩ kũu ĩtunĩ,  Me wendo waku ũsũvĩonĩ (Amen)

135. ĨKALŨ NĨ YA ĨTUNĨ

 ĨKALŨ NĨ YA ĨTUNĨ (Where high the heavenly temple stands) 1. Ĩkalũ nĩ ya ĩtunĩ,  Ve mũthembi witũ mũnene,  Wĩkalĩte vandũ vaitũ,  Mũsũvĩi wa andũ onthe.  2. Yĩla watũkitĩie,  Nthakame nĩyetĩkie,  Na ĩndĩ kũu ũsumbĩnĩ,  Nĩ mũnyanya na mũtangĩĩi.  3. Ona kwatwĩka e ĩũlũ,  Ndatonya kũlwa nithyĩ,  Ũsu wekalile naitũ,  Nĩwĩsĩ mawonzu maitũ.  4. Nĩwoosie amwe maitũ,  Mathĩna ma andũ onthe,  Na nĩwathĩniw’e kũũ nthĩ A lilikanaa eĩtunĩ 5. Tũende kwake kĩvĩlanĩ.  Kĩla ndeto tũtavanye,  Tũvoye ũtethyo wa ĩũlũ,  Tũtetheke twĩo kũũ nthĩ.  (Amen)

136. VANDŨ VAU NĨ VASEO MŨNO

 VANDŨ VAU NĨ VASEO MŨNO (There is land that is fairer than day) 1. Vandũ vau nĩ vaseo mũno Vala Yesũ na Ngai matũaa Ethw’a twĩmwĩtĩkĩla Yesũ Tũkavika ĩtina kwake.  Ĩĩ Yesũ waitũ,  Ũtũtethye tũvike kwakũ Ĩĩ Yesũ Mũtangĩĩi Twĩkũvoya tũtũe kwaku.  2. Na ve vangĩ vathũku mũno Vena thĩna mũnene na woo; Na nĩvo twaelete tene,  Keka twatangĩiwe nĩ Yesũ,  3. Nzĩa ilĩ nĩmbingũe yu,  Kana ithyĩ tũnyuve ĩmwe,  Mũthianĩ w'ĩmwe nĩ Yesũ Na satani wa ĩla ĩngĩ.  4. Ĩndĩ twalekya ũndũ w’onthe Ũla ũtamwendeeasya Yesũ; Tũkanengwa maũndũ make Ala matanyamasya ta naĩ.  (Amen)

137. ĨWAI ANDŨ TŨMŨTAVYEI

 ĨWAI ANDŨ TŨMŨTAVYEI (Shall we gather at the river) 1. Ĩwai andũ tũmũtavyei Ndeto nzeo syĩ na mũyo Ĩũlũ Yesũ nũtwakĩe Mũsyĩ mũnene kw’o.  Kwake ĩũlũ nĩtũkathi Ithyonthe ala etĩkĩlĩ maw’o Naĩ na woo tũkaitia kũũ Tũkatĩnĩke vo na ũvoo 2. Mũsyĩ ũsu nĩ mũtheu,  Nũndũ Ngai nĩ mwene w’o,  Ala me vo nĩ atanu,  Nũndũ Yesũ nĩ Mwovosya woo,  3. Kwake nĩvo tũkamona Ala mavikie tene; Tũkakatha Yesũ vamwe Na ũtanu mũnene mbee.  4. Kwake nĩvo tũkaina Wathi weũ, mũseo mũno; Ala mevo mainoa Nĩ ũkatha Mũtangĩĩi woo.  (Amen)

138. TŨKATHAŨWA NĨ MWĨAĨI

 TŨKATHAŨWA NĨ MWĨAĨI (God be with you till we meet again) 1. Tũkathaũwa nĩ Mwĩaĩi Mũingo ũngĩ wa kĩkw’ũ Tũkamwona Mũtangĩĩi Yesũ ũla watũkw’ĩĩe.  Tũkathaũwa;tũkakatha; Tũkataĩa Mwĩaĩi Yesũ; Tũkamwona Mũtangĩĩi,  Yesũ ũla watũkw’ĩĩe.  2. Tũkamona andũ maitũ,  O ala maĩ atangĩĩe Ala mavikie tene Mũsyĩ ũsu wa Mwĩaĩi Yesũ.  3. Kũiketh’wa woo na mathĩna Mũingo ũngĩ wa kĩkw’ũ; Kũiketh’wa naĩ na wathe Mũsyĩ ũsu wa Mwĩaĩi Yesũ 4. Kũkeeth’wa wendo na ũtanu Mũingo ũngĩ wa kĩkw’ũ; Kũketh’wa mumo na mũuo Mũsyĩ ũsu wa Mwĩaĩi Yesũ.  (Amen)

139. ĨŨLŨ KWĨ MŨSYĨ MŨSEO

 ĨŨLŨ KWĨ MŨSYĨ MŨSEO (There is a home eternal) 1. Ĩũlũ kwĩ mũsyĩ mũseo,  Ũla ũtanangĩkaa: Mwene waw’o nĩ Yesũ Ũla Mwovosya waitũ.  Ala mena mũĩkĩĩo Me na ũsũvĩo vau.  Ngoona mũsyĩ ũũ ĩndĩĩ- Mũsyĩ wa Mũtangĩĩi? Ĩĩ mũsyĩ wa Ngai,  Ũte mũndũ mwai; Ngavika vo ĩndĩĩ- Mũsyĩ mũseo wa Ngai? 2. Mũsyĩ mũtheu nĩ ũsu,  Wusũĩte ũtanu: Yesũ nũkathĩĩawa Na mbathi sinawa vo.  Vati thĩna vo nongi Wonekaa mũsyĩ wa Ngai Ngoona mũsyĩ ũũ ĩndĩĩ? Mũsyĩ wa Mũtangĩĩi? 3. Ovosye mena ũmbano Mũsyĩ ũsu wa Ngai .  Yesũ nĩwe mũnene,  Nake aendie mbee,  Ndina ũndũ na kũkw’a,  Ngavikĩla Mũndangĩĩi.  Ngoona mũsyĩ ũũ ĩndĩĩ? Mũsyĩ wa Mũtangĩĩi? (Amen)

140. KWĨ NTHĨ NZEO MŨNO

 KWĨ NTHĨ NZEO MŨNO (There is a happy land) 1. Kwĩ nthĩ nzeo mũno, kũasa vyũ,  Kũla ala ma Ngai makaenda: Mbathi syĩ ũtanu nĩsyo ikainwa kw’o,  Yesũ nũtaĩawa ĩndĩ yonthe.  2. Tũthi ithyonthe nthĩ ĩsu nzeo,  Nĩtwelekelei kwo tũte nzika: Wathe na wathavu tũtikasyona nongi,  Nũndũ nĩ kwa Yesũ tũkatũaa.  3. Ala me kũndũ kũu n’amwe onthe,  Makendanaa mũno na ngoo ĩmwe Nĩ ũseo tũende tũkatane naitũ,  Tũtũe ĩtunĩ tene w’onthe.  (Amen)

141. NĨTWĨNŨKĨTE KWITŨ ĨTUNĨ

 NĨTWĨNŨKĨTE KWITŨ ĨTUNĨ (I'm on my way home) 1. Nĩtwĩnũkĩte kwitũ ĩtunĩ,  Nĩtwĩnũkĩte kwa Yesũ; Mathĩna makathelela vo,  Nĩtwĩnũkĩte kwa Yesũ.  2. Nĩtwĩnũkĩte kwitũ ĩtunĩ,  Nĩtwĩnũkĩte kwa Yesũ; Ve mũsyĩ ũla mwanakavye ki,  Nĩtwĩnũkĩte kwa Yesũ.  3. Yesũ akoka kũtwĩsĩa kũũ,  Yesũ akooka mĩtũkĩ,  Nĩtũkatanaa na kũmũkatha,  Na tũtikathĩna ĩngĩ.  4. Tũtikew’a nzaa kana ĩtomo Twavika mũsyĩ mũtheu; Na vati ũndũ ũkathũkya ngoo,  Kana kũtũlulutĩkya.  (Amen)

142. KWĨ NA NTHĨ NZEO

 KWĨ NA NTHĨ NZEO (There better land) 1. Kwĩna nthĩ nzeo Ĩ nonete,  Ya ũsengy’o ĩkyoneka,  Nĩ ya kyeni na ũtheu mwingĩ,  Ũtheu mwingĩ na wendo.  Nthĩ ya wendo, mũyo na ũtheu,  4/4 Wendo notheu ndĩĩ ũtukũ,  Nĩkilĩtye nĩtũkona,  Mũthelelo kyeni kyooka.  2. Kũya ĩtunĩ kwĩ ũtanu Vai kĩvindu no ũtheu,  Amethi kw’o makatũa kw’o Na matikathĩna ĩngĩ.  3. Kũya ĩũlũ tita kũũ nthĩ,  Mũuo na ũtheu ndwĩ ũalyũko,  Kyeni kya syũa kĩi vata kw’o,  Nũndũ kũikethwa kĩvindu.  4. Kũi kĩseve kana thĩna,  Nĩkũkilĩtye nĩ kũseo,  Mũsyĩ ũsu nĩwa ũsengy’o Mũsyĩ kwa Ngai ĩtunĩ.  (Amen)

143. TWAVIKA KWA MŨSUMBĨ

  TWAVIKA KWA MŨSUMBĨ (We stand before the king) 1. sTwavika kwa Mũsumbĩ tũkaina na alaĩka,  Tũkaina, tũkaina Twavika mũsyĩ kwake tũkamũtaĩa we,  Tũkaina na mũyo.  Twavika mbee wa Yesũ,  Tũkaina na alaĩka , tũimũkatha Mũsumbĩ,  Alelũya, alelũya,  Tũũngamĩte mbee wake.  2. Tweew’a soo ũkĩvuvwa tũkamwona mũsumbĩ,  Tũkaina, tũkaina,  Woo witũ ũkathela tũimũkatha we eweka,  Tũkaina na mũyo.  3. We Yesũ ndongoesya wambĩta nũke kwaku,  Tũkaina, tũkaina,  Ũnengae vinya waku nĩendanasye naku Kyalo kyonthe kĩthele.  (Amen)

144. MYŨNTHĨ YONTHE

  MYŨNTHĨ YONTHE 1. Myũnthĩ yonthe nĩtũkathaa Mũsyĩ ũsu wa asa waitũ,  Mũũnda wake wa ĩtunĩ,  Nĩwe waũseũvisye.  Kethwa nĩwanengie nthwau,  Ta ila sya alaĩka,  Nĩũlũka:ngaũmanthe,  Mũsyĩ ũsu wa saioni.  2. Kwĩna malaa maseo mũno,  Nthĩnĩ wa mũsyĩ ũsu,  Mĩuke yamo nĩmĩseo,  Ĩla ya manukato.  3. Ũsyao wamo wĩna ũtonyi,  Wa kũmavosya andũ,  Mbathi nyingĩ kw’o nikwinwa,  Syĩ mũyo na syĩna ũtanu.  4. Mũomonĩ vekalĩte,  Yesũ Mwĩaĩi waitũ,  Namo alaĩka maitoeesya,  Manukato vau nthĩnĩ.  5. Ũvani waw’o nĩ mũseo,  O ta thaavu ila nzeo,  Kwa ũtheu nĩ mũtheu,  Kwĩ syĩndũ syonthe sya nthĩ.  (Amen)

145. MŨSYĨ ĨŨLŨ

 MŨSYĨ ĨŨLŨ (They sing a new song) 1.  Mũsyĩ ĩũlũ ĩtunĩ atheu meina,  Makĩkya ngovia mbee wa Mũsumbĩ,  Nzika na wia nivetetwe mbee wa wamo,  Atheu meina wathi weũ wa ũtanu.  Tũmwinĩe Yesũ,  Ũla wambiwe kaivalĩ,  Tũmwinĩe Yesũ,  Ũla wĩ thayũ ũtathela.   2. Wathi wa wendo na ũsengy’o mekwina,  Mũsyĩnĩ ũsu wa thaavu mũtheu vyũ,  Nthĩnĩ wa Mwovosya ũla wambiwe,  Twĩ asumbĩ na athembi tene na tene.  3. O asu mathambĩtwe makalika,  Kwa mũyo makaina wathi ũla mweũ,  Tũthyambye Mwovosya tume naĩnĩ,  Twine wathi wa ũtanu mũnene.  (Amen)

146. NĨ NTHĨ NZEO

 NĨ NTHĨ NZEO (The summer land) 1. Nĩ nthĩ nzeo kũya ĩũlũ alaĩka meina kw'o Alelũya kwa Mwovosya kwa Mũsumbĩ Osana; Twĩ kyalonĩ kya kũthi kw'o tũtongoew'e nĩ Yesũ.  Tũthi nthĩ ĩsũ ya ũtanu tũme nthĩ ya woo na naĩ. Ũtanu twavika kw'o,  Tũkanewa ngovia; Ũtanu ndũkathela,  Nĩ nthĩ nzeo kũya ĩũlũ.  2. Nĩ nthĩ nzeo kũya ĩũlũ na amwe nĩmavikie,  Na ĩvinda yĩ vakuvĩ yĩla naitũ twĩthi kw'o; Tũkathi kwa Yesũ vala tũkaina na mbeve,  Tũkĩkatha syĩtwa yake nthĩ ĩsu tene na tene.  3. Nĩ nthĩ nzeo na ve vandũ vaseũvĩtwe kwa onthe Ala maĩkĩĩa Mwovosya na kwĩw'a wasya wake Tũkethĩwa na ũtanu yĩla Mwĩaĩi wĩyĩaa,  Tũthi nthĩ ĩsu ya ũtanu tũme nthĩ ya woo na naĩ.  (Amen)

147. LILIKANA MŨSYĨ ŨSU

 LILIKANA MŨSYĨ ŨSU (The home over there) 1. Lilikana mũsyĩ ũsu,  Wĩ na kyeni kĩtisu mũno, (Mũsyĩ ũsu),  Vala atheu mekalaa na mũuo.  Mevw’ĩkĩte ngũa nzaũ vyũ.  Mũsyĩ ũsu, mũsyĩ ũsu.  Lilikana mũsyĩ ũsu,  Mũsyĩ ũsu, Mũsyĩ ũsu, (Mũsyĩ ũsu),  Lilikana Mũsyĩ ũsu.  2. Nĩ ũthũmũo kwa onthe,  Anyanya amavikie vo, (Mũsyĩ ũsu),  Nĩmekwina mbathi syĩ na mũyo,  Mũsyĩ ũsu ũsumbĩnĩ wa Ngai.  Mũsyĩ ũsu, Mũsyĩ ũsu,  Lilikana ananya me vo, (Mũsyĩ ũsu),  Mũsyĩ ũsu, Mũsyĩ ũsu, Mũsyĩ ũsu.  Lilikana Mũsyĩ ũsu.  3. Mwovosya wakwa nĩvo ũĩ,  Na atheu me na ũthũmũo, (Mũsyĩ ũsu),  Vate nzika nĩngũkĩla nĩthi,  Nthĩ ĩsu nzaũ yĩ na ũathimo.  Mũsyĩ ũsu, Mũsyĩ ũsu,  Mwovosya wakwa nĩvo ũĩ, (Mũsyĩ ũsu),  Mũsyĩ ũsu, Mũsyĩ ũsu, Mũsyĩ ũsu,  Lilikana Mũsyĩ ũsu.  4. Ngeethwa Mũsyĩ ũsu mĩtũkĩ,  Naminũkĩlya kyalo kyakwa,  Endwa a mavikie vo tene,  Nĩmeteele nakwa nĩvike.  Mũsyĩ ũs...

148. MŨSYĨ MŨTHEU ĨŨLŨ

MŨSYĨ MŨTHEU ĨŨLŨ (Loyalty to Christ) 1. Mũsyĩ mũtheu ĩũlũ tũkonana ĩngĩ,  Mũthũkũmei, thũkũmai, thũkũmai Mwĩaĩi,  Wĩtano nĩ wake akĩtwĩta ithyonthe.  Mũthũkũmei, thũkũmai, thũkũmai Mwĩaĩi. Nĩtũkatana twavika ĩtunĩ,  Twamwona Mwĩaĩi Yesũ,  Tũkekala nake tũkina mbathi nzaũ,  Mũthũkũmei, thũkũmai, mũthũkũmei Mwĩaĩi.  2. Mwĩaĩi Yesũ easya ũkai kwake inywonthe,  Mũthũkũmei, thũkũmai, thũkũmai Mwĩaĩi.  Ũkĩlyai ngoo syenyũ mũmwose Kaivalĩ,  Mũthũkũmei, thũkũmai, mũthũkũmei Mwĩaĩi.  3. Mbaunĩ syake Mwĩaĩi tũkona matonya,  Mũthũkũmei, thũkũmai, mũthũkũmei Mwĩaĩi,  Ũkai kwake inywonthe mũtangĩĩwe ũmũnthĩ,  Mũthũkũmei, thũkũmai, mũthũkũmei Mwĩaĩi.  4. Tũtulyei ndu sitũ maũũnĩ ma Mwĩaĩi,  Mũthũkũmei, thũkũmai, mũthũkũmei Mwĩaĩi,  Wĩtano nĩ wake akĩmeta atheu,  Mũthũkũmei, thũkũmai, mũthũkũmei Mwĩaĩi.  (Amen)

149. ŨKAI ANDŨ MA NGAI

 ŨKAI ANDŨ MA NGAI (Come ye to the love of God) 1. Ũkai andũ ma Ngai, tũkathei Yesũ oyu,  Twinei wathi wĩ ũtanu,  Tũtaĩei Ngai na ngoo sitũ,  O ũu tũmwinĩe Ngai,  O ũu tũmwinĩe Ngai.  Tũendei ĩtunĩ vandũ vaseo, ĩĩ mũno; Ũkai tũendei ĩtunĩ ve mũsyĩ mũseo wa Ngai.  2. Andũ athe ma nthĩ,  Matyĩsĩ mbathi syake no andũ amwe mamanyaa Kũmwinĩa Mũsumbĩ ũũ,  Waitũ mbathi nzeo,  Kũmwinĩa nesa.  3. Ĩĩ, twinei ithyonthe na andũ, mwĩw’e oyu; Twĩ kyalonĩ kya ĩtunĩ,  Tũkina mbathi sya Yesũ Na ngoo sitũ syonthe Mĩthenya yonthe vyũ.  (Amen)

150. TWĨKALEI NA YESŨ

 TWĨKALEI NA YESŨ (Forever with the Lord) 1. Twĩkalei na Yesũ nĩngwasya ũu,  Kĩkw'ũnĩ akatwovosya n’akatũthayũũkya,  Twĩkalei kũkũ nthĩ tondũ Yesũ waĩ kũũ; Kwatuka ngaamba ĩeema mbee, ndũanĩ nĩthengee.  Nĩthengee, nĩthengee,  Kwa Yesũ nĩthengee.  2. Nyũmba ya asa ntheu, yakĩtwe ĩtunĩ Nĩyonekaa nĩ metho a monaa maũndũ mbee,  Na nĩngũtana ngoo ta nĩvikĩte vo,  Nthĩ ĩsu ya wendo na tei, Yelũsaleme nzaũ.  3. Matu makavĩta, syũmbe syonthe nĩkaa,  O ta ĩvinda ya noa now’o kũkethwa,  Mwĩaĩi nĩwũkĩte kwĩsĩa a make,  Tũkambata kũu ĩtunĩ tũkekalaa nake.  4. Tũkekalaa nake tene na tene vyũ,  Tũkina mbathi ĩtunĩ, na kũlwa nĩ thĩna, : Nĩ sya mũsyũkĩle, ĩĩ, sya kũthayũũka; Na nĩngũneena, ngyasy’atĩĩ, twĩkalei na Yesũ.  (Amen)

151. ĨĨ NĨTWINEI WATHI WA KŨTŨTAN’YA

 ĨĨ NĨTWINEI WATHI WA KŨTŨTAN’YA (In a little while we are going home) 1. Ĩĩ nĩtwinei wathi wa kũtũtan’ya ngoo,  Twĩ kyalonĩ kya kũthi kwa Ngai,  Kĩvindu kĩkathela kyeni kyoneke,  Mũsyĩ kwitũ kũu tũkenũka.   Nĩtũkenũka, nĩtũkenũka,  Mũsyĩ kwitũ ĩtunĩ,  Tũkathũmũe mathĩna matũthele,  No vanini na tũkenũka.  2. Twĩnenganei tũtethye wĩa wa Ngai,  Kavinda katanamba ũvika,  Na mumo wa Ngai ũkatwongela vinya,  No vanini na tũkenũka.  3. Inywĩ mũtanamba kũmwosa Yesũ yu,  Kavinda kenyu no ũmũnthĩ,  Nũndũ tũyĩsĩ mũthenya wa kwĩnũka,  Ame mbaitũ likai kyalonĩ.  4. Kũu kwa Ngai kwĩ mũuo ũtathimĩka,  ũthũmũo witũ mũlũmu,  Na asu mekũmĩĩsya mathĩna twĩkũũ,  Makathũmũa tene na tene.  (Amen)

152. OYU TWĨ KYALONĨ

 OYU TWĨ KYALONĨ (We are on a journey to heaven) 1. Oyu twĩ kyalonĩ kya kũthi ĩtunĩ,  Wĩkalo mũseo nĩ wa ũtanu na wendo,  Ĩnywĩ mũkanganga na mũkĩyananga,  Easya mũitonya kũthi kũu ĩtunĩ.  Nĩmũkathi ĩtunĩ? Nĩmũkathi ĩtunĩ? Easya mũitonya kũthi kũu ĩtunĩ.   2. Kũndũ kũu ĩtunĩ kwĩ ala atheu,  Matena mowau kana thĩna nongi,  Inywĩ mũtitonya kũthĩ kũu ĩtunĩ,  Easya mũitonya kũthĩ kũu ĩtunĩ.  3. Ona mbee wa kwĩtwa andũ aka atheu,  Methwa na wĩkalo ũla ũseũvĩtw'e,  Ũla wa ũsumbĩnĩ wĩna ũtisu vyũ,  Easya mũitonya kũthi kũu ĩtunĩ.  4. Ĩtunĩ nĩ kwitũ ithyĩ etĩkĩli,  Ũkai mũmanye ũseo wa ĩtunĩ,  Kavinda kanini tũkamwona Yesũ,  Kũla kwĩ atheu nĩkwo tũkathũmũa.  (Amen)

153. VE NZĨA YA KŨTHI ĨTUNĨ

 VE NZĨA YA KŨTHI ĨTUNĨ (The royal Road) 1. Ve nzĩa ya kũthi ĩtunĩ,  Vala ve Mwĩaĩi waitũ,  Nĩngũmantha mũsyĩ mũtheu,  Ngĩthi na nzĩa ya Mwĩaĩi.  Nzĩa ya ũathimo,  Nzĩa ya ũathimo,  Tĩendanye mũsyĩ mũtheu Tũthi nzĩa ya Mwĩaĩi.  2. Nĩyo Mwĩaĩi waendele ,  Kĩĩmanĩ kya kaivalĩ,  Nĩkana avingũe mũomo,  Wa kũthi ũsumbĩnĩ.  3. Ngĩthi na nzĩa ya Mwĩaĩi,  Ngavika mũsyĩ mũtheu,  Kwa mũĩkĩĩo nĩngwĩw’a,  Wasya wa alaĩka ĩtunĩ.  4. Ngatana navika ĩtunĩ,  Namwona Mwĩaĩi wakwa,  Ngamwona mũsyĩ mũtheu,  Nathi na nzĩa ya Mwĩaĩi.  (Amen)

154. KĨVINDU KĨKATHELA

 KĨVINDU KĨKATHELA (when the mists have rolled) 1. Kĩvindu kĩkathela na kĩtikasyoka ĩngĩ,  Na kĩla nthĩ ĩkamanya ũtheu wa Mwĩaĩi,  Na nĩw’o kũtĩkethĩwa na kĩvathũkanyw’o,  Kĩvindu kĩkathela na kĩtikasyoka ĩngĩ.  Ũtheu ona kyeni kĩkenaa kĩvindunĩ,  Mũnthĩ kũkatisatisa mũthenya wa Mwĩaĩi,  Kĩvindu kĩkathela na kĩtikasyoka ĩngĩ.  2. Nthĩ yĩ kĩvindunĩ na yĩna kyeva kingĩ,  Kyeni twakyeteela kya tene na tene ĩtunĩ,  Mathĩna twamomĩĩsya kwa kũkũĩkĩĩa,  Ũseo wa kũla kũtheu kĩvindu kĩikasyoka.  3. Yuyu twĩ mathĩnanĩ na ngovia sitũ syĩvo,  Nĩtwiĩwe ĩtunĩ ila ikũtisatisa,  Yesũ nĩ tũmwĩkwatĩtye kũkũ twĩna mathĩna,  Akatũtetheesya viũ kĩvindu kĩikasyoka 4. Yĩla ũsu ũtheu ũkethĩwa ũkyumĩla,  Kĩla mwĩtĩkĩli nũkethĩwa na ũtheu ũsu,  Kwa wendo wa Mwĩaĩi akatwĩkalasya,  Ithye tũkatana vyũ kĩvĩndu kĩikasyoka (Amen)

155. VE MŨSYĨ WONEKAA

 VE MŨSYĨ WONEKAA (The city of gold) 1. Ve mũsyĩ wonekaa ĩũlũ wa mwanda wa kĩkw'ũ Na moathimo maitonya ũweteka; Kũla syũa ĩtathũaa na matũ maivovaa: Mũsyĩ ũsu mwanake wa thaavu.  Kũla syũa yĩtathũaa na matũ maivovaa: Meko ma etĩkĩli Mwĩaĩi nũmonaa,  Mũsyĩ ũsu mwanake wa thaavu.  2. Vau mũsumbĩ Mwovosya Mwĩaĩi ũtwendete Onthe nĩmeteele na ũtanu,  Tene wonthe atheu makatisaa ta ndata; Mũsyĩ ũsu mwanake wa thaavu.  3. Tũtethyei wĩa na ngelekan’yo ya Yesũ Tũmĩĩsyei mathĩna kũkũ nthĩ.  Twamina tũkanengwa ngovia sya thayũ,  Mũsyĩ ũsu mwanake wa thaavu.  4. Kũu tũkamũkatha Mwĩaĩi na alaĩka,  Tũkina mbathi sya ndaĩa,  Na tũkasumbĩka nake tene wonthe,  Mũsyĩ ũsu mwanake wa thaavu.  (Amen)

156. MŨINGO ŨNGĨ WA ŨSĨ

 MŨINGO ŨNGĨ WA ŨSĨ (Over the river) 1. Mũingo ũngĩ wa ũsĩ Endwa a mavikie,  Nĩmasyaĩsye nĩvike,  Kũu tũikataanĩsya.  Mũingo wa ũsĩ wa Eteni,  Mawĩkalonĩ maseo,  Alaĩka makanzũvĩaa,  Yesũ akanthokya vo.  2. Mũingo ũngĩ wa ũsĩ,  Nĩngwĩw'a mawasya moo; Nĩmasyaĩtwe na ũsyao mweũ,  Matiĩ na kyeva nongi.  3. Mũingo ũngĩ wa ũsĩ,  Vaiĩ kĩvindu nongi,  Nĩmaendanasya na Yesũ,  Mekĩĩte ngũa nzaũ.  4. Mũingo ũngĩ wa ũsĩ,  Namo nĩmasyaĩĩsye; Nĩ kana nakwa nĩvike,  Ngatana navika kwo.  (Amen)

157. NĨTŨKATHI KŨU ĨTUNĨ

 NĨTŨKATHI KŨU ĨTUNĨ (We shall go to heaven) 1. Nĩtũkathi kũu ĩtunĩ Yelũsaleme,  Twĩkale na Mwĩaĩi Yesũ Yelũsaleme,  Tũkamwona Yesũ Klĩsto Yelũsaleme,  Tũkekala vamwe nake Yelũsaleme.  Nĩtũkatana mũno,  Kũmyona Yelũsaleme nzaũ,  Nĩtũkatana mũno,  Kũmyona Yelũsaleme.  2. Ambiwe mũkelany’onĩ Yelũsaleme,  Na kũtonywa na matumo Yelũsaleme,  Nĩwaleilwe nĩ ayuti Yelũsaleme,  Na kũmwamba ngelanyonĩ Yelũsaleme.  3. Nĩwambatie ĩtunĩ Yelũsaleme,  Ailye kwokonĩ kwa ĩthe Yelũsaleme,  Yesũ akooka ĩngĩ Yelũsaleme,  Na kũmesĩa ala make Yelũsaleme.  4. Makambata yayanĩ Yelũsaleme,  Na kũsumbĩka myaka mũonza Yelũsaleme,  Ĩtina makooka kũũ nthĩ Yelũsaleme,  Kũsumbĩka myaka ngili Yelũsaleme.  (Amen)

158. KWĨ WĨTANO KŨYA ĨTUNĨ

 KWĨ WĨTANO KŨYA ĨTUNĨ (Beautiful beckoning hands) 1. Kwĩ wĩtano kũya ĩũlũ ĩtunĩ,  Atheu a mavikie tene; Nĩ masyaĩĩsye nakwa nĩvike; Mũsyĩ mũtheu wa Mũtangĩĩi.  Kwĩ wĩtano kũu ĩtunĩ,  Wĩna wasya mũseo kuma ĩtunĩ Kwĩ wĩtano kũu ĩtunĩ; Mũsyĩ mũtheu wa Mũtangĩĩi .   2. Kwĩ wĩtano kũya ĩũlũ ĩtunĩ,  Anyanyawa mavikie ku tene,  Nĩmasyaĩĩsye nakwa nĩvike; Ngatana navika mũsyĩ kwa Ngai.  3. Yũmbanĩsye kũka kwa Mwĩaĩi Ĩvinda yĩ vakuvĩ kũthela,  Nĩtwĩsĩ akooka ta kĩng’ei,  Tũkomanĩe nake yayayanĩ.  4. Nĩ mũsyĩ mũtheu wa Mwĩaĩi,  Yesũ mwene nowe kyeni kyaw’o,  Tũkatana na ũtanu mũnene; Twavika mũsyĩ ũsu mũtheu.  (Amen)